Սփիւրքի Հայութիւնը չպիտի թոյլատրէ

cropped-header.pngՍփիւրքի Հայութիւնը չպիտի թոյլատրէ Երկրի իշխանութիւններուն կողմէ իր սեփական ժողովուրդին դէմ բիրտ ոյժի կիռարումը ։

՝՝Հայկական Վերածնունդ՝՝ համասփիւրքեան քաղաքացիական կազմակերպութիւնը ուշադրութեամբ կը հետեւի Հայաստանի մէջ վերջին շրջանին տեղի ունեցող բոլոր իրադարձութիւններուն ՝ Երկրին մէջ իշխող վարչակարգին կողմէ առաջադրուած սահմանադրական փոփոխութիւններու առնչութեամբ ։

՝՝Հայկական Վերածնունդ՝՝ քաղաքացիական կազմակերպութիւնը օրինական կը համարէ սահմանադրական փոփոխութիւններու դէմ ժողովուրդին անհնազանդութեան խաղաղ պայքարը զոր միջազգային իրաւունքով ամրագրուած,  Հայաստանի ներկայ ահմանադրութենէն բխող յանուն ժողովրդավարութեան անմիջական պայքարի ձեւ է։

Մենք հայրենաբնակ Հայ ժողովուրդի դիմադրութեան առաջնորդ ՝՝Նոր Հայաստան՝՝ Ճակատին սատար կը հանդիսանանք եւ կը զօրակցինք ։

Եւ Սփիւրքահայութեան կոչ կ՛ուղղենք անտարբեր չի մնալ Հայաստանի մէջ տեղի ունեցող անցուդարձերուն  կապակցութեամբ եւ սատարել ՝՝Ինքնիշխան, Ազատ, Արդար եւ Հայաստանակեդրոն ՝՝իշխանութեան կերտման վեհ նպատակի իրականացման համար պայքարող մեր ժողովուրդին ։

Նկատի առնելով ներկայ վարչակարգին օրինազանց կամայականութիւնները ( 7 ապրիլ 2015 թուականին Հիմնադիր Խորհրդարանի առաջնորդներուն ապօրինի ձերբակալութիւնը )  ՛՛ Այո ՝՝ կարգախօսի յետադիմական ճամբարի պատասխանատուներուն կը հորդորենք զերծ մնալ խաղաղ անհնազանդութեան դիմող ժողովուրդին դէմ բիրտ ոյժի կիռարումը արդարացնող քարոզչութենէն ։

Անգամ մը եւս կը յիշեցնենք Հայաստանի Հանրապետութեան իշխանութիւններուն թէ ժողովուրդին դէմ իշխանութեան կողմէ բիրտ ոյժի կիռարման Սփիւրքահայութիւնը չի հանդուրժեր։

՝՝Հայկական Վերածնունդ՝՝Շարժում

Ստորագրութեամբ ՝

ՀՎ  Լոս Անճելէսի մասնաճիւղ ՀՎ  Շուէտի մասնաճիւղ

ՀՎ  Պելճիքայի մասնաճիւղ ՀՎ  Ռուսաստանի մասնաճիւղ

ՀՎ  Գերմանիոյ  մասնաճիւղ ՀՎ  Ֆրանսայի  մասնաճիւղ

ՀՎ  Իսպանիոյ  մասնաճիւղ  ՀՎ  Չեխիոյ  մասնաճիւղ

ՀՎ  Լիբանանի  մասնաճիւղ ՀՎ  Իտալիոյ մասնաճիւղ

ՀՎ  Քանատայի  մասնաճիւղ ՀՎ Նիւ Եորքի մասնաճիւղ