Թլիկ գյուղը զրկված է ջրից. ռուս զինվորականները թույլ չեն տալիս փոխել ջրի պոմպը (ARM)

«Սինջար եզդիների ազգային միավորում» հասարակական կազմակերպության լրատվական կենտրոնը հաղոդագրություն է տարածել, նշելով, որ Արագածոտնի մարզի եզդիաբնակ Թլիկ գյուղը 20 օր զրկված է ջուր ջուր ունենալու հնարավորությունից, խափանվել է գյուղի  ջրի պոմպակայանը։

«Գյուղը արդեն քսան օր է ջուր չունի: Գյուղացիները իրենց միջոցներով գնել են նոր պոմպ, բայց պարզվում է չեն կարող փոխել հին պոմպը, քանի որ այն գտնվում է մի տարածքում, որը  ռուսական զինված ուժերի ենթակայության տակ է: Տարածքը հսկող զինվորականները ասել են, որ պետք է անցագիր ունենան, սակայն գյուղացիների համար անհասկանալի է, թե ումից պետք է անցագիր ստանան: Դիմել են ԱԱԾ՝ անցագիր ստանալու համար, սակայն մնացել են անպատասխան։ Հիմնականում անասնապահությամբ զբաղվող գյուղի բնակիչները կենդանիներին ջուր տալու, լվացք անելու հնարավորությունից զրկվել են։ Խմելու ջուր գյուղացիները գնում են դույլերով, իսկ այս պոմպակայանի շնորհիվ կենցաղային այլ կարիքներ էին հոգում: Մարզի իշխանությունները կարծում եմ անգործության են մատնված: Խնդրում եմ բոլոր իրավապաշտպան կազմակերպություններին և լրատվամիջոցներին իրենց ուշադրության կենտրոնում պահել այս խնդիրը»,- ասել է «Սինջար եզդիների ազգային միավորում» հկ-ի ղեկավար Բորիս Մուրազին։

 Sources : hetq